天天都幾搶鏡喎!

有機農莊半天遊

今日栩栩的暑期班去旅行, 事前真係人間交叉點, 為應唔應該帶妹妹去而想左兩日, 最後認為辛苦d就辛苦d啦, 就帶在妹妹去34C的郊外玩左3個小時。咦, 有風又唔係太熱喎!  今日有3個活動, 分別係扮耕田、整再造紙同整稻草人。平時涼慣冷氣的參加者好搞笑(包括我們), 一路玩一路”淵口淵面”, 在第一個活動完成後就即刻在一旁食野(雖然無出過咩勞力), 而在第二個活動後更提議走人添, 最後四份三人選擇在冷氣巴上等候其餘的四份一人玩第三個節目。不過今日唔怪得佢地, 因為真係又曬又熱啊!

圖(1): 用過期種子扮耕田, 又唔俾淋水, 小朋友都幾無癮

圖(2): 大家一齊叉電

圖(3) 比較受歡迎的節目, 因為可以玩水

圖(4)  製成品在曬乾中

圖(5)  第三個節目- 可可好開心喎!

圖(6) 相機仔影的都唔錯了

肥料和水

近日太陽高高掛, 每日都要勤淋水, 一日唔記得就會dup晒頭。為左節省水費(因為屋企有一個超浪費食水的人), 爸爸用唔同辦法接用完的水, 而肥料方面就通常由栩栩提供, 可可係女仔的關係, 比較困難去接收佢的肥料。下次來到地下a室, 見到d植物健康成長, 不忘要讚讚栩栩的功勞啊!

What’s this?

首先睇下以下兩幅相, 兩位小朋友玩緊乜野呢?

係唔係有少少熟口面呢? 係, 就係日日在電視見到的奧運花球了! 呢個係真野黎架! 係由天天老豆(即栩可的舅父)從北京帶番香港的!

話說天天老豆上星期六在網上找到有一張Phelps決戰第8金的票, 就立即同老婆同天天卜機票飛去北京。星期日就同天天坐在第一行目擊Phelps創造歷史(兩歲以下免費, 但天天媽媽無票, 所以留在酒店睇電視), 而Phelps的媽媽就在佢身旁, 仲同天天玩添! 之後仲有女子4×100米混合接力的決賽, 中國隊得了銅牌, 個花球就係中國隊見天天得意所以送左俾天天的(舅父聲稱係天天太得意喎!)。睇完比賽第二日(即今日)就番左香港了! 前後3日即興之旅, 太激了! 天天有個咁激的老豆, 佢的童年一定會與眾不同!

天天老豆今日仲未興奮完, 原來佢仲買左一張足球決賽的票, 過幾日又要出發了! 今次佢老婆死都唔去, 亦唔俾佢帶天天去威喎!

新浪潭

今日同爸爸中學同學一家去新浪潭玩水, 原本已約左幾個星期, 但因成日落雨(唔係怕淋濕, 係怕山澗山洪暴發), 所以今日先可以成行。栩栩可可同思進相比十分大膽, 夠膽成個人跳落水玩。幾個星期未去過大自然, 今日感覺十分良好!

圖(1): 可可成程都係自己行, p過幾次k都唔識死:

圖(2): 栩栩玩完水, 換衫之前留影

圖(3): 回程時在石灘影相, 可可忍唔住玩沙

圖(4): 栩栩在車上無端端說:「你地係唔係聽到d海浪聲呀? 會唔會係呢粒貝殼發出黎呢?」栩栩, 你邊度學呢d呃女仔技倆架!?

有食神

今日有食神, 午餐食左呢間的豬腸粉, 晚餐就用呢間的魚蛋同墨魚丸整的通粉加呢間買的四川小食, 加埋好多罐的可樂。栩栩同可可食左好多腸粉同魚蛋, 為食可可乜都想食, 甚至要食麻到死的川北涼粉, 最後媽媽俾可可試一滴好麻的汁, 就將佢嚇怕了!

爸媽都覺得豬腸粉好好味(其實以前細個時所有豬腸粉都係咁樣, 只不過而家好多鋪頭賣的已經退晒步), 魚蛋麻麻(墨魚丸好貴!), 而四川小食勁好好好味, 專家都話有70%地道, 可以再試! 呢間鋪頭每月21至27號會關門, 因為要去四川入貨! 嘩, 香港咁貴租都可以犧牲成一個星期, 可見佢地寧願做少d生意都唔想假手於人, 佩服佩服!

講漏左, 仲有呢間買的蝦子扎蹄, 好多蝦子, 好味啊!!

圖(1): 可可不會放過每樣媽媽放入口的東西

圖(2): 幸好可可刷牙都幾乖!

兒童的求知慾是無價的!

可可發展

可可妹妹的運動細胞比哥哥好得多，例如佢跑得好快, 每次入電梯必定會靈活地扶住扶手雙腳離地扮馬騮, 又可以好正宗地打前滾翻(自己學的, 無人教過佢, 而家哥哥仲未得), 近日更要大人扶住在走廊玩壁虎功(想當年爸爸係高手). 佢手長腳長, 又唔怕跌(哥哥係豆腐, 一跌就喊!), 一定要好好學運動, 近日爸爸見到香港的游水代表不知幾羨慕, 16歲女已經咁叻, 雖然好大隻, 但樣又好, 談吐又好, 佢地的爸媽真係好識生!

個天真係公平, 賜左一個容易受傷的哥哥俾我地, 再賜多一個好tough的妹妹平衡一下，多謝多謝!

Note: 今日媽媽聽同事講原來好多小朋友都會在洗頭時戴個”河童”帽, 以防止水入眼。因為栩可自1歲起便受媽媽地獄式訓練, 用花灑照頭淋, 所以未試過呢d偉大發明。

一些經驗

近日見好到blog父母都記錄左小朋友開始番學的眼淚同父母的擔憂。想當年栩栩2歲4個月番幼兒班, 媽媽大住肚同佢逐步適應, 睇住佢變成一個識自己去小便(雖然佢當小雀雀係死物咁從內褲扯出黎)、自己食飯、自己午睡、自己著鞋的小朋友，真係好感動。不過，一開始番學係超級容易病的時期, 往往月頭病月中好月尾又黎過, 果時周圍問d經驗爸媽點樣可以提升免疫力, 有d人叫食manuka honey, 有d叫飲利賓賓, 有d人叫出去玩多d就ok了。經過數月的病菌大party後, 栩栩的抵抗力果然大增, 病少左好多。所以, 如果小朋友適應左學校生活後, 但未適應其他同學的病菌, 搞到成日發燒傷風咳, 唔駛太擔心, 呢個只係一個過程, 好快就會過。亦唔駛擔心小朋友病完瘦左好可憐啊, 因為小弟覺得小朋友去到兩三歲, 肉多肉少已經唔重要(雖然老人家唔同意), 發展佢地的內涵(e.g. 自理能力, EQ)更為重要, 況且等小朋友開始食雞翼香腸, 想幾肥有幾肥啦!

有趣的經歷

幾個星期前，收到音樂班老師的email，想請d小朋友為主題公園其中一個網頁拍d相。栩栩雖然唔靚仔，但未試過玩呢家野，爸媽又覺得幾得意，咁就係佢第一次同最後一次影d商業相!

早上6:50分，一行三人在下雨天到達主題公園，同其他7個小朋友會合。栩栩應該係比較細的小朋友，其他的都是5歲幾。在悶熱同微雨的環境下，栩栩總係皺住眉頭，其他較專業的小朋友應大人的要求，想大笑就大笑，想開心就開心。就栩栩算好肯參與哥哥姐姐的遊戲，但個樣都係懶洋洋咁，又打呵欠(6點已起身)，真係替佢辛苦! 爸爸媽媽深深覺得呢類活動雖然可以賺錢，但唔可以替小朋友有得著，亦唔可以令小朋友將自己真的一面表達出來，所以中途已決定下不為例，無強求佢要開心對住鏡頭笑，做”影後”就”影後”啦，留番d機會俾有表演慾的小朋友。其中一個媽媽真係行星媽的路，好專業地為小朋友準備好多野，有風扇、有毛巾、有好多零食令小朋友開心…….。睇栩栩的表現，主題公園應該選唔到一張合適的相在網頁使用了! 真係sorry，令主題公園浪費左d錢，同埋d哥哥姐姐的心機!

講真，幾個小朋友都好cute，栩栩真係算係最唔得果個! 好，既然係最後一次，就好好記錄一下啦:

(1)  先用化妝品遮一遮栩栩的眼袋同蚊lan

(2) 換過校服狀態依然好好(pose係佢random gen出黎的)

(3)  畫畫算係佢投入的一part

(4)  栩栩緊緊皺住眉頭，好快已被人調去做”影後”了!

(5) 4個小時後拍攝工作終於完成，所有人都可以玩木馬一次(後面的係遊客，唔係model)。栩栩的眉頭已經解鎖

(6)  玩多兩個遊戲後(包括未玩過的大大世界)，再食過簡單午餐就要趕去番學，呢行飯真係唔啱我地食!

游水日

今日去左舅舅屋企游水, 好好玩. 栩栩特別喜歡玩滑水梯, 共滑左5次. 妹妹在媽媽陪同下都滑左一次, 仲跌左落水底2秒鐘, 可能佢嚇到閉左氣, 一d事都無!兩個小朋友玩左成日無訓到午覺, 到9點幾已經謝晒!

呢個黑板日曬雨淋左兩年幾都依然新淨, 可以推薦俾有興趣的小朋友, 買得過!(note: 妹妹的黃色鞋係哥哥以前的, 而家可可的腳大得太快了! 自己果對粉紅色鞋仔已經太細! 以後一定係大腳八, 一定俾人笑!

呢幾個牌無電視影出黎咁靚:

罕見易揍的小朋友 - 天天

呢個天天真係極品, 食奶食糊食生果都將個口盡力張開, 大大啖食, 由出世那一刻開始從未試個唔食野, 所以十個月已經大大隻! 另外, 好少好少喊, 任何人抱都唔喊! 訓覺又乖, 簡直係超級易揍的小朋友!!!!

第一次成績

充滿驚喜, 幾好玩啊!

新玩具

媽媽買左新玩具, 玩左成晚, 要幾日後先知道佢的成果, 真心急啊!

可可的馬術訓練:

爸爸同媽媽的大project已經暫時告一段落，從4月忙到今日, 現在就要靜待對方的回應, 希望一切順利! 終於可以早d訓覺了!

打風日

打風放假雖然可以陪下小朋友, 但做咩好呢? 又唔出得街, 花園又橫風橫雨。忽然想起有幾盒過期finger paint未玩(expiry date: 2005), 不如玩一下就掉左去。點知玩左10分鍾, 爸媽事後執手尾做左半個鐘。下次都係出出面玩算啦! 不過栩栩可可都玩得好放, 唔怕質地好核突的顏料。想當年栩栩一有少少污糟都扁咀, 可可真係叻女!

順便讚多妹妹兩句先。妹妹手腳同手指都比哥哥靈活得多(拿筷子同筆筆都有紋有路)，又夠膽, 又好力(最新花名係”開蓋王”, 因為大人以後吸得好實的蓋都可以開到). 仲有, 妹妹講野俾哥哥叻得多, 雖然而家發音唔準, 但好多野已經可以表達到。不過, 妹妹的學習能力明顯比哥哥差, 教佢”belly button”就永遠指膝頭哥, 教佢獅子老虎點叫就”meow meow”。真係無十全十美的人!

在街上見到好完美的鳥巢, 又要雀爸雀媽重新起一個了!

傻妹，唔著拖鞋好辣腳架!

媽媽的成果

 

唔知冷襪會唔會好拮肉呢?

辛苦晒了!

夜遊維園

今晚7:15已經食完晚飯, 心想不如車埋麻麻番屋企, 再去接ot媽媽都未遲。就係咁, 就一行四人出發(note: 去親街都會帶埋兩個小朋友)。 送左麻麻, 原來仲有1個鐘頭時間, 就去左維園玩下啦! 哥哥而家跑得好快(起碼快過以前好多), copycat妹妹又扮跑埋一份, 想跌想跌, 爸爸條腰就斷啦! 在遊戲架上兩人各自各, 基本上而家唔駛理栩栩了。回想起佢細個時, 在公園唔肯同小朋友玩, 唔敢爬梯唔敢sir滑梯, 唔合群, 超細膽, 十分氣憤, 亦非常擔心。而家, 無事啦!

變曳的栩栩

自從栩栩番左暑期班後，栩栩變得心散同無耐性。不知係唔係因為小朋友在暑假的通病，日日無王管，定係因為暑期班係一間出名曳仔學校的關係，佢寫字無以前咁靚，填顏色出界又多左，野就講多左好多(呢件係好事，因為以前大家都覺得栩栩太斯文)。希望九月返返乖仔學校會變番乖d啦!

今日氣溫34度，同栩栩在泳池玩得好enjoy，在3點太陽仍然高高掛的時候，泳池只有小貓三幾隻，又唔駛趕住番屋企(因為媽媽同妹妹訓緊覺)，好好玩。雖然栩栩仲才未正式學游水，但在克服水的方面進展唔錯，起碼佢敢”未”水，又敢跳水，又好鍾意扶住浮板踏水。

妹妹比較少出街，所以佢一有機會出街就會非常興奮，唔俾人拖(一拖就發狂地推開)，所以每次去完街都好倦好倦!

呢個話係18世紀的大炮，但栩栩都唔知大炮係乜，所以無興趣!!

 栩栩身穿係星期日朝唱歌班的制服，因為爸爸懶得之後換留衫，所以佢每個星期日影相都係呢件衫。

圖: 正在做暑期作業的栩栩

消夜

呢間係屋企附近的糖水鋪。近來媽媽愛上佢的”紅白”，爸爸喜歡佢的綠豆沙，栩栩就係芒果pancake的fans。栩栩真係好哥哥，知道門口近馬路，去到邊都會扯實可可件衫。